"The voice of Jihad" გუშინ ჰელმანდის პროვინციაში ქართველ სამხედროებზე მომხდარ თავდასხმასთან დაკავშირებით განცხადებას ავრცელებს.
განცხადებაში აღნიშნულია, რომ აშშ-ნატოს ბაზის შიგნით მომხდარი აფეთქების შედეგად 20 უცხოელი თავდამსხმელი დაიღუპა და რამდენიმე ათეული ადამიანი დაიჭრა.
"თავდასხმა გუშინ, ადგილობრივი დროით, დაახლოებით 04:00 საათზე განხორციელდა, როდესაც აბდულ ღაფარმა ანგრაკ კარეზის ტერიტორიაზე მდებარე აისაფის დიდი სამხედრო ბაზის შიგნით, ასაფეთქებელი ნივთიერებებით სავსე სატვირთო მანქანა ააფეთქა, ასევე განადგურდა რამდენიმე ტანკი და შიგნით გაჩერებული სატრანსპორტო საშუალებები; მტერი თავისი ჩვეული პოლიტიკით საზოგადოების დეზინფორმირებას შეგნებულად ცდილობს, აცხადებენ რა, რომ თითქოს მოჯაჰედებმა დიდი მსხვერპლი განიცადეს. ეს სხვა არაფერია, თუ არა სიცრუე, რომელსაც არავითარი საფუძველი არ გააჩნია", - აღნიშნულია განცხადებაში.
No comments:
Post a Comment